黃榮傑 – 前港超足球員「如何平衡夢想與現實?」
【Never Give Up 專欄】作為 Never Give Up 首篇運動員專訪，我們當然要邀請對 Never Give Up 最具代表性的運動員接受訪問。讓更多人可了解這位 前港超足球員「如何平衡夢想與現實?」。
「大家好！我叫黃榮傑！」
今次 Never Give Up 嘗試找上「傑仔」聯絡採訪，他二話不說就答應。採訪當天拍照時，他豪氣說一句：「想點影？我配合你地！洗唔洗黎多個？」。傑仔爽快性格，令訪問過程十分順暢！
人生轉捩點
訪問前很好奇傑仔為何完成四年教育文憑，做了三年全職老師，突然辭職由全職教育工作轉到職業足球員。「好簡單，因為鍾意足球。難得有咁嘅機會絕對要一試，可以體驗下香港最高水平足球賽事！呢個決定算係我人生最大轉捩點，因為要跳出舒適區，拋棄穩定工作做一個職業足球員。特別係喺香港做全職運動員比較冇保障，都係一個幾大決定。」
「唔想令自己後悔！唔想放棄自己夢想！」
人生重要的轉捩點，伯樂可能都是一個主要原素。每一個年輕人都可能有其他才能未被發掘，正如良駒都需要伯樂，先可以激發無限潛能。傑仔足球路上遇到了一位伯樂—前港超聯球隊愉園的主教練—鮑家耀。「鮑Sir 問我有冇興趣幫手係愉園踢甲組，有計劃晉升港超。我當然好有興趣啦，我夢想就係踢港超，冇諗太多立即就答應幫手。當年好順利贏左冠軍升港超，完左我個港超夢，可以係旺角場、大球場表演俾咁多人睇。」估唔到一個偶然的機會，就達成左傑仔成為職業足球員夢想。
「細個成日睇英超、西甲，見到好多球星，好想好似佢地咁，希望做到球星，踢波搵食。」
平衡夢想與現實
每個人年輕是都會有一份傻勁，經歷過所有傻事，都會成為日後一份珍貴回憶。問到傑仔如果要你俾十分，你有幾喜愛足球，你俾幾多分？傑仔自信滿滿咁回答「十分滿分就一定係十分啦，以前真係會傻到一個人拎住個足球落樓下球場不段練習，對住牆不段射波，食完飯就同啲街坊踢波，都幾瘋狂架！」傑仔講到年輕時，都不忘提點下新一代年青人「投放心力係足球度，同時都要投放係學業度，對自己係一個保障，最起碼要讀到一定程度學歷。保障將來係自己專業領域發展，唔好唔讀書呀！」
「你有幾鍾意足球？一定係十分啦！」
Never Give Up 對於你嚟講代表啲乜嘢？
「唔會放棄！縱使我足球生捱遇過好多挫敗，我都唔會放棄。人生入面唔開心一定會有，冇可能所有人所有事都係咁順境順意，但都要沉著應戰，一直咁去練習、嘗試。我相信最後一定遇到機會，亦會有人賞識你，到時就係你出人頭地嘅時間！。」
「如果你真係鍾意果樣野，你一定唔會放棄」
整個訪問入面，只要一講到足球，傑仔就會面帶笑容。足球帶俾佢太多，有回憶、有夢想、有挫折、有成功、有失敗。過程中佢可能失去過一啲野，但有一樣野一直都冇失去過，就係堅持！每一個機會佢都把握住，沒有放棄！
「不要輕易放棄，可能機會就係你眼前」
By Ho.W.K.
NGU
