【Never Give Up 專欄】你有聽過 自由潛水 嗎？是危險的極限運動嗎？初學者可以容易掌握嗎？有值得信賴的教練推薦嗎？新手常見的疑問，由今次專欄嘉賓 「Oceanholic 自由潛水工作室」專業自由潛水教練 Oscar 胡耀聰，帶你了解這項與海洋融為一體的極限運動 — 「自由潛水」。

「大家好！我係 Oceanholic 自由潛水工作室 自由潛水教練 Oscar！」

自由潛水（Freediving）是一種不藉助任何水下供氧設備，憑藉潛水者自身的呼吸和屏息，憋一口氣進行下潛的潛水運動。簡單的說，就是扔掉氧氣瓶，徹底在海裡做一條只屬於海洋的魚。Oscar 接觸自由潛水大約 8 年時間，起初在台灣學習這項運動，後來回到香港練習，再到菲律賓及印尼峇里考取兩個不同系統的教練牌照，現在是一名 雙系統「AIDA ？」「 PADI？」自由潛水 教練。

「我自己好鍾意玩運動，不論係陸上定係水上運動，踢波、行山、獨木舟、攀石、龍舟都有玩開。我而家教左四至五年自由潛水，係香港都多左人認識自由潛水呢個運動，好開心能夠多啲人玩呢個運動。黎緊目標就係可以有更多人認識自由潛水，因為都聽過好多朋友講自由潛水係一個好危險嘅運動，就係大家覺得危險，所以更加需要認識呢個運動」

「排除危險，認識自由潛水安全性，咁先可以玩得安全放心！」

接觸自由潛水的原因？

自由潛水可以說是最原始的潛水形式，沒有辦法追朔起源於什麼時期，因為早在石器時代，在世界各個沿海地區，海洋民族都會以自由潛水在水下進行漁獵，以海維生，並擁有精湛的自由潛水能力。

「一開始我係玩龍舟先，係一個傳統運動，有好多本地漁民參加，佢地都係水上人。以前冇自由潛水呢個運動，佢地係玩漁獵或者叫徒手潛水。機緣巧合下我玩龍舟認識左一啲水上人同漁民，當初見到佢地咩裝備都冇，一口氣潛入水底，覺得好神奇，之後我上網搵到呢個運動資料，原來叫自由潛水，就飛左去左台灣，開始學習自由潛水」

「見到啲漁民咩裝備都冇，一口氣潛入水底，覺得好神奇！」

自由潛水吸引之處？

香港生活節奏急速，都會希望在假期遠離煩囂，逃離人群。自由潛水一定是最好的選擇。經常聽到喜愛潛水的朋友分享，潛到水下與海洋生物的神奇邂逅，以及在水底那種寧靜和自由的感覺都是獨一無二的，Oscar 亦是被水中這種平靜的感覺深深吸引著。

 

「一開始玩自由潛水係因為啲漁民影響，之後玩玩下，就發覺係水底可以好寧靜、好 peaceful，冇手機、冇任何野影響。幻想下，你而家係陸上有地心吸力影響，你會覺得有壓力，但係係水底去到某個位，就會冇左壓力，怎至冇浮力，冇聲音，乜野都冇，四方八面都係藍色，令你個人好 peaceful，好靜，多左好多空間時間去思考。由其係香港生活係一個好壓迫嘅地方，海底係可以令我地安心、寧靜、放鬆嘅地方。」

「水底去到某個位，會冇左壓力，怎至冇浮力，冇聲音，四方八面都係藍色，好 peaceful！」

成為雙系統自由潛水教練

「原本一開始係冇諗過自己會考教練，認識我嘅人都知道，我係一個運動愛好者，好鍾意同朋友分享。當時我仲係做緊文職，一個機緣巧合下學左自由潛水，玩吓玩吓，突然間有個機會，我就裸辭，係後生仔年少氣盛都會做過嘅嘢。裸辭之後就膽粗粗走咗去菲律賓考教練牌。」

「其實考咗教練之後都唔係即刻去做全職自由潛水教練，我都係 part-time 咁做先嘅。點知做吓做吓就發覺，有好多人鍾意玩呢個運動，之後就開始慢慢 Shift 多啲時間去自由潛水度。經過一兩年時間之後，就真係變咗做全職自由潛水教練。」

「裸辭之後就膽粗粗走咗去菲律賓考教練牌」

推動自由潛水運動

Oscar 喜愛自由潛水，最希望能夠推廣這項運動給大眾認識。他認為新興運動需要經過很多時間及步驟發展，才可以獲得政府認可，甚至進入世界大型比賽項目。「喺香港可以點樣去做好啲推廣呢？就係靠自由潛水教練、愛好者、甚至係靠 Never Give Up 呢類型嘅平台，幫我哋去推廣，令多啲人去認識呢個運動。」

「而家因為資源嘅貧乏，我哋租游泳池訓練，甚至出海，都係受住好多因素影響。仲有雷暴、大雨、香港嘅水質等等，都會限制咗啲人參與自由潛水世界嘅熱情，變咗我哋教練需要花好多時間同埋心機，去令到大眾認識，其實個海係好靚嘅。」

「需要花好多時間同埋心機，令到大眾認識其實個海係好靚」

初學者 學習自由潛水

初初學者最常問的問題一定是「不會游泳可以玩自由潛水嗎？」。其實參與自由潛水不一定需要會游泳，但畢竟自由潛水是一項水中活動，假如某天在大海裡發生突發狀況，游泳絕對是自救的基本能力，令自由潛水體驗更加安全。

初學者學習自由潛水，Oscar 表示「最簡單就係學識游水，始終係個海度唔識游水同埋冇水感係會輸蝕啲。至於準備功夫都可以交俾教練，一個好嘅自由潛水教練會 take care 晒學生所有嘅心理、裝備、喺水入面放唔放鬆、甚至其他技巧，例如反壓等等。所有嘅技巧都會交俾教練，喺課程入面都會學到。」
「一個好嘅自由潛水教練，會 take care 晒學生嘅心理質素」

「一個好嘅自由潛水教練，會 take care 晒學生嘅心理質素」

自由潛水是一項危險的極限運動嗎？

「佢係一個好安全嘅運動，經過咁多年發展，自由潛水係一個系統，有好多安全指引可以學習到呢個運動。對初學者嚟講最危險嘅地方，係佢有好多嘢唔肯定、好多未知嘅恐懼。」

「而我哋嘅課程一般分為理論課、平靜水域（即係游泳池），同埋開放式水域嘅訓練課。一開始我哋會喺理論課講解喺泳池或者出海嘅時候我哋會做啲咩，有咩安全設備，有咩放鬆嘅方式喺水面度調息。」

「跟住我哋先會去泳池學習點樣去閉氣、點樣去着蛙鞋平潛。我哋做好晒呢啲項目，先至會出海，出到海會有浮泡、象拔浮條，去幫助學生喺水面度放鬆。我哋會有安全嘅繫繩，跟住一條繩，令到學生可以安全咁上落，同一時間我哋教練都會同步同學生齊上齊落！」

「我哋教練都會同步同學生齊上齊落！」

Never Give Up 對你來說代表什麼？

「我覺得最緊要就係唔好忘記自己嘅初心，當初點解會想去做一個教練，點解想教自由潛水，其實都係想分享呢一個運動俾多啲人認識，令多啲人去一齊玩呢個運動。」
「好彩經過四至五年嘅時間，我都有一班好好嘅自由潛水學生，甚至係朋友，同我一齊去繼續去推廣呢一個運動，互相去進步、互相信賴，我覺得呢個係最大嘅得着，同埋可以應付最大嘅挑戰！」
「唔好忘記自己嘅初心，當初點解會想去做一個自由潛水教練」

「唔好忘記自己嘅初心，當初點解會想去做一個自由潛水教練」

 

自由潛水的魅力所在，是它給香港人緊張忙碌的生活帶來了片刻的安寧和平靜。希望大家了解更多自由潛水運動，多多支持有心有火的教練、支持本地運動！

AIDA 2詳情:
入學要求：能游泳200米，或配帶面鏡，呼吸管及蛙鞋連續游泳300米
*如有AIDA1或SCUBA也可以報名AIDA2自由潛水課程

課程資料
學科課程:
基礎自由潛水生理學及物理學
自由潛水呼吸及放鬆方式
平壓技巧
如何預防黑視症(BO) 及肢體控制失調症(LMC)
緊急救援訓練 (Safety)
如何安全的進步
自潛裝備介紹和挑選
動態平潛雙蹼 DYNB
攀繩下潛 FIM
課程最大深度為 20米

完成課程要求：STA 2’00”, DYNB 40米，CWTB 12米
最少二人才會開課
*如不合格者於一年内可以補考，但留意需要補考費 （$500/次，如船潛船費另計）

課程內容
1 節理論課
2 節泳池/平靜水域練習
3 節開放水域練習
AIDA 電子版證書一份 (完成課程要求)

費用：$4800
平日出海優惠🚢 $4500
二人同行 ：$4700
三人同行：$4600
四人同行：$4500
*優惠不可共用

學員需自備面鏡、呼吸管、潛水膠衣及蛙鞋。
如有需要可租用裝備，詳情請向教練查詢。
需於90日内完成課堂。

 

@IG oceanholic_hk

 

By Ho.W.K.

NGU